Dobre hasło

Napisza sam dzisiej coś, co mi sie bardzo spodobało i jestech pod tego wrażyniym.
Ftoś pomyśli że to nic wielkiego, fto inny powiy że zanudzom ale jo sądza że to ważne.
Bo takie teksty, to sie mało kiedy słyszy.

Jest już jesień i nawet śnieg już zaczoł pruszyć. Bołech z mojom kobiytkom
na torgu w Michałkowicach. Pokupowali my jarzyna, żur i jeszce pora drobnych rzecy
potrzebnych do dom. Już mieli my wyłazić z tego torgu a przi samy bramie tako
kobiytka chandlowała takimi góralskimi łoblecyniami. Idom takie dwie starki
i ta jedna godo do ty drugi:
- Te, Erna... łobejrzi sie jake fajne sztrykowane zoki.

Tak mi sie te hasło spodobało i tak mało sie już spotyko tako nasza
fajno śląsko gwara, że musiołech to uwiecznić na naszy stronie.
Pozdrowiom wszystkich ludzi co niy wstydzom sie publicznie godać
naszom piyknom śląskom gwarom.

z poważaniym
Grzegorz Grzywocz